ဝင္ဂကူမန္ ဒဵလုပ္ဍဳင္ေသံ
ဗုီမန္တအ္ယဿဳဂြံပၚတိတ္အာ ပိဂကူ (ပႜဲဍဳင္ေသံ)
ဂကူေသံတအ္ကုီ၊ မန္ပ႙ုႏြံဒဿံင္ပႜဲဍဳင္ေသံေတံကုီ၊ ပၚလဝ္ကၧံင္ေကာန္ဂကူမန္ပ႙ု ဒဵလုပ္ဍဳင္ေသံဂွ္ ဟိုတ္ႏူ ဂကူဗမာတအ္ ဍဳႝဍဳိက္ပ်ဲပ်ာံဂၜဳိင္တုဲ တိတ္ဒွ္အာပိကဆံင္ရ။ ပိကဆံင္ဟုီဂွ္ စပၲံႏူသကၠရာဇ္သာသနာ ၂၁၀၂ - စုႝကုႝ-၂၁၈၄ ေကာန္ဂကူမန္တအ္ဒဵလုပ္အာဍဳင္ေသံဂွ္ ညးတအ္ေကာ္ခဵစ ''မန္ဖု"ရ။
မြဲကၧံင္ပၜန္ဂွ္ ႏူသကၠရာဇ္သာသနာ ၂၂၀၃- စုႝကုႝ- ၂၃၁၇ ေကာန္ဂကူမန္တအ္ ဒဵလုပ္ဍဳင္ေသံဂွ္ ညးတအ္ေကာ္ခဵစ " မန္ေႀတံ "ရ။
ကၧံင္လကၠရဵအိုတ္ ႏူသကၠရာဇ္သာသနာ ၂၃၅၈ ဒုႝကုႝလဿဳဟ္ေကာန္မန္တအ္ဒဵလုပ္ဍဳင္ေသံဂွ္ ညးတအ္ေကာ္ခဵစ "မန္တဿိ" မဒွ္ရ။ ဟိုတ္ဂွ္ရ ေကာန္ဂကူမန္ပ႙ုဒဵလုပ္အာဍဳင္ေသံဂွ္ (၁) မန္ဖု၊ (၂) မန္ေႀတံ၊ (၃) မန္တဿိ သာ္ဝြံ ပၚလဝ္ပိကၧံင္ရ။
ဂကူမန္ဒဵလုပ္ဍဳင္ အလန္ပထမ
ႏူသာသနာ ၂၁၀၂ ဒွ္ေခတ္ဨကရာဇ္" မဟာဓမၼရာဇာဓိရာဇ္ " ပၠင္ရင္ဍဳင္တုဲ၊ အခိင္ဂွ္ ဨကရာဇ္ေသံ မှဳံယဿဳ " ေသာမ္ေဍတ္ဖရနေရေသာမ္ဓိရာဇ္" ကႜဳိက္ပ္ဇက္ကၜဳင္ ဍဳင္ဟံသာဝတ႘ သြက္ဂြံဗိုင္႐ုီဗင္ပှာန္ ကုႝဂကူမန္တအ္ရ။ ဆဂး ဍဳင္ဟံသာဝတ႘ဖံက္သစၥခ်ပ္ဟြံသဿဟ္န္ကုႝ လၲဴသဿိင္ေသံတုဲ သဿိင္ေသံတီေကတ္ဂွ္ ပံင္ပေကာံဂြံ ဗညာရာမာန္ ေကုာံ က်ာ္ေဇှာ္တၜဂုဏ္အစာမဟာေထရ္ "ခါန္ဆံင္"တုဲ အိန္ထံင္ဂကူမန္ ဂၜဳိင္ကုႝဠက္ ေကာ္ဖ်ဵဏာဍဳင္ အယုဒၶယ ေတံရ။
စိုပ္ဍဳင္အယုဒၶယတုဲ၊ ကုႝက်ာ္ေဇှာ္ခါန္ဆံင္တန္တဵပႜဲဘာ " ဝါတ္မဟာဓါတ္" ပၲဳိန္ကုႝဒွ္က်ာ္ေဇှာ္ ဖရသခၤါရာဇ္ ပႜဲဂေကာံလက်ာ္မန္တအ္ရ။ လၲဴအိန္ထံင္ဗညာရာမာန္တအ္ ဨကရာဇ္ေသံ ေဖ်ံကုႝဒှာဲဝဲါ ကုႝမံင္ပႜဲကြာန္ "ၐါန္ခေမန္" ဇိုင္ဘာ "ဝါတ္ခုန္ေသန္" လဿဳဟ္ဇိုင္ဘာ "ဝါန္စာန္ကေသမ္" ရ။ တုဲပၜန္ ဒကာဗက္ကၜဳင္က်ာ္ေဇှာ္ ခါန္ဆံင္တအ္ဂွ္ ေဖ်ံကုႝဒှာဲဝဲါလကၠရဵဘာ "ဝါတ္ေနာ္တဝ္" ကုႝ "ဝါတ္ခင္ခဵ" (သဗာန္ဍဳင္ေႀတံ အယုဒၶယ)ရ။ ရဲတၜအိန္ထံင္မြဲဠက္ျပင္ ဗက္ကၜဳင္တအ္ဂွ္ေလဝ္ ေဖ်ံကုႝဒှာဲဝဲါပႜဲကြာန္တဿိ "ဗခါမ္ယံင္" "ၐင္လ႘" "ၐင္ခါန္" သြက္ဂြံေကၜာန္စအာေလာဲသြာ ၐိုဟ္ႀသဳိဟ္မဒွ္ရ။
0 comments:
Post a Comment