ကဝိေသာဘိတ
ခမ႘ဝြံ ဇုဇညးဂွ္ ဒွ္မှိဟ္ဇာတိဍဳင္ျဇာတုဲ ညးကတုႝဒွ္မှိဟ္ပႜဲဍဳင္ေသံရ။ ဇုဇညးတအ္ ဒဵလုပ္အာဍဳင္ေသံ ပႜဲအခိင္ပှာန္မန္ကုႝဗဿာဒွ္မာန္ရ။ မိက္ဂြံကေလင္ဆုႝ ဌာန္ဇာတိဇုဇဇကု မိက္ဂြံဗုႝေလၛာဝ္က်ာ္မန္ဂမၜိဳင္တုဲ ဂေကာံခမ႘ ဒစိတ္ဇကု မြဲဟာန္ေကုာံညးဂွ္ မုဒွ္ဒွ္ကႛကၜဳင္ဍဳင္မန္တုဲ စိုပ္ကြာန္ျဇာ (ကြာန္ကဿာဝက္)ရ။ ဗြဲႀကဵခမ႘ ထပွ္ဇကုဂွ္ ကေလင္စဵအာ ဍဳင္ေသံတုဲ ညးကုႝမိတ္သဟာဲညးမြဲဇကု ေသွ္ပႜဲဍဳင္မန္တုဲ အာမံင္ပႜဲဍဳင္မုဟ္ဍဳင္ရ။ ဗြဲႀကဵဒါယကာမြဲ ႀသိဳင္ဘာမြဲမ ဆမၛးဍဳင္ညိတုဲ ကုႝဒါန္ကုညးတအ္ရ။ တှဟ္နမိက္ဂြံေရာ္ဂုန္ဒါယကာဂွ္ကုီ သုီကုႝပ႐ူဂွ္ ဂြံျပာကတ္အာ ပႜဲရးဟံင္သာတုဲ ပႜဲသှာံ ၁၂၅၂ ဂွ္ ပုံေသံေႀတံမြဲ မေကာ္ဂးဇိဝွစကၠဂွ္ ညးကၜာဲခှံဗုီမန္ရ။ လိက္ဝြံဒွ္ပုံ ပ႐ူဍဳင္ကေမၺာဒိယာ (ကေမၺာဒိယာဂွ္ မဂြံအဓိပၸါယ္ ဍဳင္ထဝ္/သုဝဏၰဘုမၼိ)ရ။
လိက္ဇိဝွစကၠ
( ႕ ႕ ႕ ) ယဝ္ရဒးစိုတ္ဂၜိဳင္ ထိုင္သးေဟာျဒာ၊ ဟြံဒးစိုတ္ေကြံ ေဍံေစာဒနာ၊ တုပ္သဿဟ္အန႘ ဂမ႘ဂွ္ကၜာ၊ ဂြံကုႝအဲပၜန္ ဆႏၵလင္ကာ၊ ခိုဟ္ႏူကၜႝဳညိ ေဍံဗ်ိလက္ဖါ၊ မင္ဗၜာဲတုပ္ပႛဳင္ ညးဍဳန္ကြာန္ကၜာ၊ အဲဂမွ႘ညိ ေသာဘိတမာ၊ ဓိပၸတိပႛဳင္ ဍဳင္ေသံဒြါရာ၊ ဟိုတ္ဓါတုကှာတ္ ဓါတ္သမၺဳဒၶာ၊ ေပၛာံတိတ္ေကြံ ေဖ်ံလဝ္စိတၲာ၊ ဗတ္ဒုႝသၠန္ပၜိဳတ္ ခ်ိဳတ္ေဒါဝ္ၿဂိဳပ္ဝါ၊ ပူဇဵလအိတ္ အဒိထာဏာ၊ ဟုိတ္ကုသုႝၿပီဳ ႐ုီဗင္သႜံင္သြာ၊ ဟြံခ်ိဳတ္ဟိုတ္ဒ်ိဳင္ ကၜဳင္စိုပ္ကြာန္ျဇာ၊ ဒွ္ဓိပၸတိ မိကုႝမၐါ၊ ပံင္ဂမ႘ေဟင္ နဝေသင္ဟာ၊ ေကၜင္စဵေရာ ေသွ္ဒဿံင္ညးၐါ၊ ပဒတဵပၠာန္ မုဟ္ဍဳင္ထာန္ဖ်ာ၊ ညးမပၠင္ရင္ ဘိကၡဳသင္ဇာ၊ ဒွ္မြဲဒေတာဝ္ ေတှာဝ္မိမၐါ၊ ဒဿံင္ဍဳင္ေသံကုီ သုီကြးအၥာ၊ မြဲဂေကာံဂွ္ ဂမ႘ဒွ္ၐါ၊ ပႜဲကာလဂွ္ ပဒွ္သာ္လြာ၊ ဒကာဘာငၛဳင္ စိုတ္ျဇဳင္သဒၶါ၊ ဗဒွ္ကုတၲ႘မြဲ ဟေသၛာဲႏူဘာ၊ နိမန္ေဖ်ံအုႝ ဗၢန္ကုႝနာနာ၊ ဒဿံင္မြဲပႜဲစိုတ္ ဗၥာသဿိက္ဂြံဒွ္ ဖုႝပႜဲကုႝဒကာ၊ တိတ္ဗဒွ္ပိုတ္ဗ်န္ ဆႏၵလကၤာ၊ ဒွ္ဒဿံင္ပုံေႀတံ ေသံသၸျပာထာ၊ ကၜာဲေကၜာံပၜန္ ဗဒွ္လိက္မန္ကၜာ၊ သြက္ဘိကၡဳပႛ႘ သုီကပၸ႘ယ်ာ၊ သုီဗဵမိန္ကှာတ္ လမာတ္ပႜဲဘာ၊ ဝုတ္ဗၜာဲတံသြိင္ မိင္ဂြံဗၥာ၊ ဍဳင္ေသံဍဳင္မန္ ဗၢန္သုီဍဳင္ၐါ၊ ဟြံမြဲသက္က္ ကၜက္လင္ဂတာ၊ ဟိုတ္ဒွ္သာ္ဂွ္ ဆန္ဗဒွ္လင္ကာ၊ သြက္ဂြံစိ ရးတိဟံင္သာ၊ ပု႙တိတ္ဆန္ဗဒွ္ ဗွ္ဒးဗွ္အာ၊ လၸဗ်ိပၜဳတ္လုတ္တလဏာ၊ ပဏာမဗ်န္ ၃၂၊ တိတ္ဗဒွ္ပိုန္ဂႛိ ေလဿင္ႀကိယာ၊ လုီလာ္စာ္ေထာင္ ႏြံဒဿံင္ဂၜိဳင္ဝါ၊ ပထိုင္သးညိ ပဗ်ိလက္ဖါ၊ ညံင္ႏြံပိုန္သြံ အေစြာံေဘာဂါ၊ မင္ဍိက္လဟုီ သုီကြိၐါ၊ ျပာထာဒယွ္ ညးဒွ္အၥာ၊ ပဏာမစိ ဟဿဲၿမိပါ၊ တံကုႝကှတ္ လယတ္ည႘သာ၊ သၨက္ဗ်ိေရာဟြံမြဲ ပႜဲကြိၐါ၊ ပု႙တိတ္ဆန္ ဗဒွ္လၼဳဟ္ဝြံမာ၊ ပု႙တိတ္ေပၠာံ ကုႝညးေဟင္ဟြံေသင္ဒကာ၊ တရးညာန္ဂြိဳင္သၨိဳင္ေသၢာံဒွ္သာ၊ ကှံလုီပႛဳင္ ဘိက္စာင္ဒုင္ကာ၊ ခဏိက္ဇိုင္ေကြံတမၜာ၊ ခ်ဴဒးဗွ္ဒး လုတ္ဒးသၨိဳင္သာ၊ ညာတ္ဇနဲရ တၜ႘အၥာ၊ ဟိုတ္ဂွ္တိတ္ဆန္ လိက္ဇဿန္ဒြာ၊ သြက္ဗ်ိဗ်ာပ္ေရာ ကေလာေတင္သာ၊ ယာံလုတ္အာသဿတ္ ခ်တ္စုတ္ပၫွာ၊ ဂၜိဳင္အာမၢး မှးတံင္ပတိတ္ဏာ၊ ညံင္ဂြံခိုဟ္က်ဝ္ ညံင္ဂြံေဂါဝ္အာ၊ ဗိုင္ဗၥိဳပ္သြံ ပိုတ္ေသၢာံည႘သာ၊ မူဟိုတ္တုန္ေရာ ယဝ္ေစာဒှာ၊ ဟိုတ္ႏူမဗ်ဳမစၥဳဇရာ၊ ပိုတ္ကၜာခ်ပ္တဵ စိုတ္ႀကဵဝိုတ္အာ၊ ဟုိတ္ဂွ္ဒမၜိ ပဗ်ိလက္ဖာ၊ ပႜဲသကၠရာဇ္ ကှာတ္ဗာဇၨနာ၊ လၛီၐါကၜံပၜန္၅၂ (၁၂၅၂) ပါဆံင္စုတ္အဵ ဏွဵေကုာံၐါ ပႜဲဂိတုရအသလႅကၜာ၊ ေစြက္ ၁၄ ဗ်ိင္သင္ထိင္သိသာ၊ ပႜဲတၛဲသိုက္ပၜန္ ဆန္ဗဒွ္လကၤာ၊ သြက္ပူဂုႝရ ဂတဝြံမွာ၊ ေသၢာံရင္ေသၢာံဒွ္ ဗဒွ္အကၡရာ၊ ႏြံဍဳင္ေဇှာ္မြဲ ပႜဲဇ်ိကုမၼာ၊ ကေမၺာဇရ နာမျပာထာ၊ သဿိင္ေဇှာ္မပိုင္ဒလဝ္ ကႜိဳင္ေသတာ၊ သာမႏၲသဿတ္ နာမခုတ္ကၜာ၊ ဂှက်ာ္ေဇှာ္ဂႛိ မူဏိစိတၲာ၊ ( ႕ ႕ ႕ ) (191/Mon178,q)ေကတ္နင္ႏူ ဗ႘ထဝ္မန္ျဇာ
0 comments:
Post a Comment